Жамбыл облысы Байзақ ауданындағы Ақшолақ ауылының 10 жасар тұрғыны 6 және 8 жастағы мектеп оқушыларын бірнеше рет зорлады деген күдікке ілінді.Orda.kz тілшісі пікір алу үшін Жамбыл облысының полиция департаментіне хабарласты. Оқиға 2021 жылдың қыркүйек айында болғаны белгілі болды.
«Аудандық ауруханаға 6 және 8 жастағы кәмелетке толмаған балалар жеткізілген. Олар ешқандай жарақат көрсетпеген. Олардың ата-анасының арызы Сотқа дейінгі тергеудің бірыңғай тізіліміне тіркелді», – деді полиция департаментіндегілер.
Істі аудан әкімдігі жанынан құрылған кәмелетке толмағандардың істері және құқықтарын қорғау жөніндегі арнайы комиссия қарауда.
Балалардың зорланғаны Aibatnews арнасының сюжетінен белгілі болды.
Зардап шеккен ұлдардың ата-анасы 5-сынып оқушысы балаларын бірнеше рет зорлағанын алға тартты.
«Оқушының ата-анасынан оны біздің ауылдан алып кетуін талап етеміз. Менің баламда зәр ұстамау мәселесі болды. Алғашында бұған мән бермедік. 2021 жылдың қарашасында олар оны тексеру үшін ауруханаға апарды. Сосын бізге органдарда ақау жоқ екенін айтты. Зорлау 2021 жылдың қыркүйегінде басталды», – дейді жәбірленушілердің бірінің әкесі.
Ата-аналардың айтуынша, 5-сынып оқушысы ақша берем деген желеумен балаларды қаңырап қалған ғимаратқа кіргізген.
Балалар оқитын мектеп директоры сексуалдық зорлық-зомбылық білім беру мекемесінің аумағында болмағанын айтты.
Қазір балалармен психологтар жұмыс істейді, олар сабаққа қатыспайды.
