Алматының Құлжа тасжолында жол апатынан үш адам қаза тапты

жол апаты
© inbusiness.kz

Алматыда Құлжа тасжолының бойында екі көлік соқтығысып, үш адам оқиға орнында қайтыс болды,  –  деп хабарлады қалалық Полиция департаментінің баспасөз қызметі. 

Қайғылы оқиға 10 маусымда болған. Белгілі болғандай, батыс бағытта келе жатқан BMW 525 жүргізушісі қарсы жолаққа шығып кетіп, Mercedes-Benz көлігімен соқтығысқан.

«Апат салдарынан екі жүргізуші мен Mercedes Benz көлігінің жолаушысы – 1978 жылы туған әйел сол жерде көз жұмды. Аталған дерек Қылмыстық кодекстің 345-бабы 4-бөлігімен тіркелді. Сот-медициналық және тергеу сараптамалары тағайындалды», –  деді Алматы қалалық ПД Анықтау департаментінің бастығы, полиция подполковнигі Олжас Шәріпов.

Олжас Шәріпов сот-медициналық және тергеу сараптамалары тағайындалғанын айтты.

Aikyn.kz | Бүгінгі жаңалықтар. Әлем және Қазақстан жаңалықтары.