Атқарылған жұмыстарға қорытынды жасалып, болашақ жоспарлар нақтыланды

Атқарылған жұмыстарға қорытынды жасалып, болашақ жоспарлар нақтыланды

Бүгін Мәжіліс Спикері Ерлан Қошановтың төрағалығымен «AMANAT» партиясы фракциясының кезекті жиналысы өтті.

Онда Қазақстан Республикасы Президенті жанындағы Ұлттық Құрылтайдың және 2022 жылғы 5 маусымдағы республикалық референдумда дауыс берудің қорытындылары талқыланды.

Е. Қошанов фракция мүшелерінің бүкіл аймақтарды аралап, үгіт-насихат жұмыстарын жүргізіп, референдумды абыроймен өткізуге белсенді қатысқанын атап өтті.

          – Бұл кешенді жұмыстың басы ғана. Біздің алдымызда нақты әрі ауқымды міндеттер тұр. Ең әуелі – Конституциялық реформаларды заңнамалық тұрғыда қамтамасыз етуіміз керек, – деді «AMANAT» партиясының Төрағасы.

Атқарылған жұмыстарға қорытынды жасалып, болашақ жоспарлар нақтыланды

Сонымен қатар Палата Спикері Ұлттық құрылтайға Мәжіліс депутаттарының мүше болуы жиында көтерілген маңызды мәселелерді заңнамалық тұрғыда іске асыруға мүмкіндік беретініне және Парламент қабырғасында қоғамдық диалогты дамытуға жол ашатынына баса назар аударды.

Айта кету керек, Ұлттық Құрылтайда Ерлан Қошанов Мәжіліс жанынан Қоғамдық палата құру туралы бастама көтерген болатын.

Қоғамдық Палата барлық депутаттарды қамти отырып, халықты толғандырған өзекті мәселелер бойынша пікір алмасудың және заң жобаларын талқылаудың ашық алаңына айналмақ.

Басқосу барысында Фракцияның алдағы жұмысы нақтыланып, депутат А.Сарым, А.Рау және Е.Жаңбыршин сөз сөйледі, өз ұсыныс-пікірлерін жеткізді.

 

 

 

 

 

Aikyn.kz | Бүгінгі жаңалықтар. Әлем және Қазақстан жаңалықтары.