«Мемлекеттен пәтер алып беремін» – Қызылордада 19 адамды алдаған әйел ұсталды  
«Мемлекеттен пәтер алып беремін» – Қызылордада 19 адамды алдаған әйел ұсталды  
Фото: usatoday.com
Қызылордада  32 жастағы әйел «мемлекеттен пәтер алып беремін» деп 19 адамды алдаған. Полиция басқармасының мәліметінше, 19 тұрғын алаяқтың құрбаны болғанын айтып, арызданған. Арызда былтырдан бері бір азаматша сенімге кіріп, «мемлекеттік бағдарламамен пәтер алып беремін» деп уәде еткені көрсетілген. Жәбірленуші тұрғындарға 20 млн теңгеден астам шығын келген. «Полиция тексеру нәтижесінде, күдікті ретінде 32 жастағы азаматша ұсталды. Аталған дерек бойынша Қылмыстық кодекстің 190-бабы 3-бөлігі 1,3,4-тармағымен сотқа дейінгі тексеру жүріп жатыр», делінген ресми хабарламаларда. Жыл басынан бері Қызылорда қаласында 322 алаяқтық дерегі тіркелді.