Қатты жаңбыр, найзағай, бұршақ: бірнеше өңірде ескерту жарияланды

Қатты жаңбыр, найзағай, бұршақ: бірнеше өңірде ескерту жарияланды

"Қазгидромет" синоптиктері бірнеше өңірде дауылды ескерту жариялады.

Қызылорда облысының оңтүстік-батысында найзағай ойнайды деп күтіледі. Солтүстік-батыстан, батыстан таңертең және күндіз 15-20 м/с жылдамдықпен жел тұрады. Қызылордада төтенше өрт қаупі сақталады.

Маңғыстау облысының батысында, солтүстігінде, орталығында найзағай ойнайды деп күтіледі. Облыстың батысында, солтүстігінде, оңтүстігінде шаңды дауыл тұрады. Солтүстік-батыстан, батыстан, солтүстіктен, оңтүстіктен 15-20 м/с жылдамдықпен жел соғады. Күндіз шаңды дауыл болады.

Күндіз Ақтөбе облысының солтүстігінде, батысында қатты жаңбыр жауады. Облыстың батысында найзағай ойнайды деп күтіледі. Шығыстан, оңтүстік-шығыстан соққан желдің екпіні 15-20 м/с жетеді.

Павлодар облысының оңтүстігінде, орталығында төтенше өрт қаупі сақталады. Павлодарда да төтенше өрт қаупі сақталады.

Абай облысының батысында, оңтүстігінде, орталығында төтенше өрт қаупі сақталады.

Батыс Қазақстан облысының шығысында, оңтүстігінде қатты жаңбыр жауады. Облыстың солтүстігінде, шығысында найзағай ойнап, бұршақ түседі, дауыл тұрады деп күтіледі. Солтүстік-шығыстан жел соғады, күндіз облыстың батысында соққан желдің екпіні 15-20 м/с жетеді.

Қостанай облысында солтүстік-шығыстан жел соғады, облыстың оңтүстігінде соққан желдің екпіні 15-20 м/с жетеді.

Түркістан облысының таулы аймағында найзағай ойнап, облыстың солтүстігінде шаңды дауыл тұрады деп күтіледі. Оңтүстік-шығыстан солтүстік-батысқа ойыса соққан желдің екпіні таулы аудандарда 15-20 м/с құрайды, күндіз облыста сынап бағаны 40 градус қатты ыстықты көрсетеді.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.