Қазақстан жыл соңына дейін Ресейден 168 мың тонна қант сатып алады

Қазақстан жыл соңына дейін Ресейден 168 мың тонна қант сатып алады

 Ресей мен Қазақстанның ауыл шаруашылығы министрліктері жыл соңына дейін жоспарлы көлемді 168 мың тоннаға дейін ұлғайтуға келісті. Бұл шешім Витебскідегі Еуразиялық экономикалық комиссия кеңесі отырысының нәтижелері бойынша қабылданды.

Комиссияның баспасөз қызметі хабарлағандай, Еуразиялық экономикалық комиссия кеңесінің мүшелері ЕАЭО елдерінің уәкілетті органдарына ішкі қажеттіліктерді қамтамасыз ету үшін өзара сауда шеңберінде қант жеткізілімдеріне келісімшарт жасасу бойынша жұмыс жүргізуді тапсырды.

Бұл ретте тараптар мүше мемлекеттердің ішкі нарығына қантты сату басымдығына, сондай-ақ Ресейде қолданыстағы 2022 жылғы 31 тамызға дейін мұндай жеткізілімдерге шектеулер ұзартылмайтынына сүйенуге тиіс.

«ЕЭК алаңында консультациялар қорытындысы бойынша келісімшарттар жасасу және қажетті қант көлемін 1 қыркүйектен кейін жеткізу мүмкіндігіне қатысты кепілдіктер берілді. Атап айтқанда, Ресей және Қазақстан ауыл шаруашылығы министрліктері жыл соңына дейін 168 мың тонна жоспарлы көлемді ұлғайтуға келісті. Осы жаңалықтардан кейін нарықтағы барлық алыпсатарлық аяқталатынына күмәнім жоқ», - деп атап өтті комиссияның сауда жөніндегі министрі Андрей Слепнев.

Aikyn.kz | Бүгінгі жаңалықтар. Әлем және Қазақстан жаңалықтары.