Әлеуметтік желі белсендісі Алмас Тоқабаев кейбір фильмдерді экраннан алып тастауды ұсынды. "Гей-фильмді алып тастағаны дұрыс десек, балалардың психикасына әсер ететін келесі киноларды да жояйық. Тура орталық алаңда өртейік", - деген ол тізімді былай жалғайды:
1. "Менің атым Қожа". Қожаның мамасына мотоцикл мінген бір еркек подкат жасайды постоянно.
2. "Алдар көсе ". Байдың кәмелетке толмаған қызына алдап үйленеді.
3. "Махаббат станциясы". Ашық эротика.
4. "Менің сүйікті дәрігерім". 70 жастағы шал әуретін ашып бассейнге түседі.
5. "Тақиялы періште". Сатушы әйел алкоголь көмегімен зинаға итермелейді.
6. "Транссібір экспресс". Кәмелетке толмаған қыз ғашық болып пойыздың артынан шабады.
7. "Қарлығаштың құйрығы неге айыр" мультфильмі. Әйел омырауын жалаңаштап бала емізіп отырады.
8. "Ақсақ құлан" мультфильмі. Хан зорлық -зомбылық насихаттайды.
9. "Сұлтан Бейбарыс". Сұлтан көп әйел алуды насихаттайды.
"Қарасаң әр фильмнен бір кемшілік табуға болады және бәрі өртеуге сұранып тұр.
Тек идеал түсірілген "Балалық шағымның аспаны" ғана, сол қалсын. Жетеді", - дейді белсенді.
