«Атырау-Жарық» АҚ электр желісінің 80 жұмысшысы жұмысқа шығудан бас тартты, - деп хабарлады жергілікті «Ақ Жайық» басылымы.
3 тамызда «Атырау-Жарық» АҚ электр желісінің Жылыой аудандық бөлімшесінің 80-ге жуық жұмысшысы жұмысқа шығудан бас тартып, митингке шықты. Олар жалақыны 2 есе көтеруді және жұмыс істеу үшін дұрыс жағдай жасауды талап етіп жатыр. Акция 4 тамызда да жалғасын тапты, - делінген хабарламада.Жиналғандар бұл ретте жалақыларын 2 есе көтеруден бөлек, өзге де қордаланып қалған көптеген мәселені қозғаған.