Генерал-майор тергеу изоляторында көз жұмды

Генерал-майор тергеу изоляторында көз жұмды

Полиция генерал-майоры Жайлаубек Халықұлы Алматы тергеу изоляторында көз жұмды, – деп хабарлайды ІІМ Қылмыстық атқару жүйесі комитеті. Ондағы мәліметке қарағанда, таңғы сағат 7 кезінде қамауда отырған Ж.Халықұлын қарауылдағы бақылаушы бірінші болып көрген. Мекеменің кезекші бөлімі дереу алғашқы медициналық көмек көрсеткен.

Медициналық көмекке қарамастан, оны аман алып қалу мүмкін болмады. Оқиға орнына келген жедел жәрдем бригадасы күдіктінің механикалық асфиксиядан көз жұмғанын растады.

«Оқиға орнына тергеу тобы, прокуратура өкілдері, өңірлік Қылмыстық-атқару жүйесі департаментінің басшылығы келді. Тексеру барысында оған қатысты құқыққа қайшы әрекеттер анықталмады» делінген комитет хабарламасында.

Қазіргі кезде өңірлік департамент қызметтік тексеруді тағайындады. Оның қорытындысы бойынша заңнамаға сәйкес тиісті шаралар қабылданады.

Айта кетейік, биыл мамыр айында полиция генерал-майоры Жайлаубек Халықұлы  ұсталған болатын. Ол 2009-2016 жылдары Алматы және Ақмола облыстарының Ішкі істер департаменттерін басқарған. Ж. Халықұлы соңғы қылмыстық істі тоқтатты, алдау жолымен «К» есімді азаматтың ақшасы мен мүлкін иеленді деген күдікке ілінген.

Aikyn.kz | Бүгінгі жаңалықтар. Әлем және Қазақстан жаңалықтары.