Қостанай облысында жоғалған 5 жасар қызды іздеу жұмыстары жалғасуда, – деп хабарлайды Ішкі істер министрлігі.
"Іздеу-құтқару жасағының еріктісі жүгері алқабында қызды көрген. Бұл жерден баланың тістерінің ізі бар жүгерінің собығы табылды. Ол сараптамаға жіберілді", – делінген хабарламада.
Министрліктің хабарлауынша, әзірге 20-дан астам алқап тексерілген.
Жол бойында полиция қызметкерлері су мен тамақ қалдырып жатыр. Қыз әлі табылған жоқ. Ол болуы мүмкін деген жерлер тексерілді. Бүгінде баланы іздеу аймағы 4 бағытта кеңейтілді:
1) Жамбыл ауылы – Тобыл өзені;
2) Алтын дала ауылы;
3) Қостанай қаласы;
4) Самир ауылы.
"Таңертең 2 тікұшақ және 1 ұшақ әуеге көтерілді. Олардың біреуінде тепловизор бар. Сондай-ақ Тобыл өзенінің арнасы да тексеріліп жатыр", – деп жазылған хабарламада.
Кеше жүгері алқабында бала тістерінің іздері бар жүгері қобдишасы табылды. Ол сараптамаға жіберілді.
Айта кетейік, 7 тамызда таңғы 5.00-де Қостанай облысы Жамбыл ауылында 5 жасар Мәдина Ерланқызы жоғалып кеткен еді.
Алдын ала мәлімет бойынша, қыз бала терезеден шығып, үйден кетіп қалған. Мәдина аутизм дертіне шалдыққан әрі сөйлемейді.
Бұған дейін 5 жасар қыздың жүрген жерінен видео жарияланған болатын.
