"Канело" үшінші кездесудің алдында Головкинге қатысты мәлімдеме жасады

"Канело" үшінші кездесудің алдында Головкинге қатысты мәлімдеме жасады
Фото: espn.com

Осыған дейін қазақстандық боксшы Геннадий Головкинді мойындамайтынын бірнеше мәрте мәлімдеген екінші орта дивизиондағы әлем чемпионының барлық негізгі атақтарының иегері Сауль «Канело» Альварес қазақстандық боксшымен үшінші кездесуінің қарсаңында оның шеберлігіне жоғары баға берді, – деп хабарлайды Sports.kz.

Дегенмен «Канело» 40 жастағы GGG-ден шеберлігінің басым екендігіне күмәмданбайтынын жеткізді.

"Сөз жоқ, ол мықты боксшы. Сонымен қатар ол қиын қарсылас, тегеурінді, айлакер жекпе-жек шебері. Ол өз заманындағы даңқты спортшылардың бірі. Меніңше, екеуміздің стиліміз алда болатын кездесуді ерекше ету үшін жаратылғандай. Мен осы спорт түрінен біраз биіктерді еңсерген мықты боксшымын. Менің спаррингтерім де көп болды. Қазір менің күш-қуатым толысып тұрған кез. Менің Головкиннен ерекшелігім де осы", – деп мәлімдеді Matchroom Boxing-те Альварес.

Геннадий Головкин мен Сауль Альварестің үшінші кездесуі 17 қыркүйекте Лас-Вегаста (Қазақстанда 18 қыркүйек күні таңда) өтеді.

Aikyn.kz | Бүгінгі жаңалықтар. Әлем және Қазақстан жаңалықтары.