Аралда айтылып, талқыға салынған маңызды тақырыптар Қызылорда қаласындағы кездесуде жалғасын тапты. Жиын барысында қоғамдағы өзекті мәселелер, өскелең ұрпақ пен жастар тәрбиесі, отбасы институтының мәні талқыланды. Кандидат қоғамның дертіне айналған синтетикалық есірткі, құмар ойындар мен жат мәдениетке еліктегіш жастардың әрекеттеріне ерекше тоқталды. Оның айтуынша, бұған ұлттық құндылықтардың тиісті деңгейде насихатталмауы, отбасы тәрбиесінің белгілі бір деңгейде әлсіреуі себеп. Жиналған жұртшылық аталған проблемаларға қатысты өз көзқарастарын жеткізіп, жағдайды кеңінен талқыға салды.
Кезектен тыс президент сайлауына үміткер Қарақат Әбден ел аймақтарын аралап, 13 қала мен бірнеше ауылдық жерлерде, елді мекендерде 20-дан астам кездесу өткізді. Алдағы уақытта ол Солтүстік Қазақстан, Түркістан, Жамбыл облыстарының сайлаушыларымен кездесу өткізуді жоспарлап отыр.Қарақат Әбден: Отбасы тәрбиесінің мәселесін талқылады
