ҰҚК 20 қарашада өтетін сайлауда тәртіпсіздік жасауды жоспарлаған қылмыстық топты ұстады
ҰҚК 20 қарашада өтетін сайлауда тәртіпсіздік жасауды жоспарлаған қылмыстық топты ұстады
© видеодан алынды
Ұлттық қауіпсіздік комитеті прокуратураның көмегімен осы жылдың 20 қарашасында жаппай тәртіпсіздіктерді жоспарлап, ұйымдастырмақшы болған қылмыстық топтың жолын кесті. ҚР Қылмыстық кодексінің 179-бабы 2-бөлігі және 272-бабы 1-бөлігі бойынша тергеу басталды. Ұсталғандардың тұрғылықты жері бойынша заттай дәлелдемелер тәркіленді.
«Прокуратура санкциясымен олардың жаппай тәртіпсіздіктер ұйымдастыруға, мемлекеттік және құқық қорғау органдарының әкімшілік ғимараттарына, тіршілікті қамтамасыз ету объектілеріне қару мен тұтандырғыш қоспаларды қолдану арқылы шабуыл жасауға дайындалғандары құжатталған», - деп хабарлады ҰКҚ баспасөз қызметі.
Топтың әрбір мүшесінің рөлі нақты бөлінген, қылмыстық жоспарлар жасырын шараларын сақтай отырып, тұрақты кездесулер барысында талқыланды. Топ мүшелері «бөтелке лақтырғыш» деп аталатын жабдықтар жасап, олардың көмегімен «Молотов коктейльдерін» лақтыра отырып, құқық қорғау органдары қызметкерлерін физикалық жоюды жоспарлаған. Жасырын орындар ұйымдастырып, оған қылмыс жасауға арналған құралдар – Калашников автоматы, ойық ұңғылы «Меркель» мылтығы, екі тегіс ұңғылы кесілген мылтық, оқ-дәрілер, «Молотов коктейльдеріне» арналған сұйықтығы бар бөтелкелер, «бөтелке лақтырғыштар», бензин құйылған канистралар, рациялар сақтаған. Күдіктілер ҚР ҚПҚ 128-бабына сәйкес ұсталып, уақытша ұстау изоляторына қамалды. Өзге мәліметтер Қазақстан Республикасы ҚПҚ 201-бабына сәйкес жариялауға жатпайды. https://www.youtube.com/watch?v=i7EU-Kk-HUk&t=346s