Астана қаласында WORLDSKILLS KAZAKHSTAN–2022 кәсіби шеберлердің VII республикалық чемпионаты өтеді. Студенттердің кәсіби шеберлігі сыналатын сайысты Оқу-ағарту министрлігі мен Talap коммерциялық емес акционерлік қоғамы ұйымдастырып жатыр.
Биыл бұл біріншілікке 20 өңірден 500-ден астам жас маман қатысады. Олардың шеберліктері WorldSkills-тің 30 ресми құзыреті бойынша бақ сынамақ. Жастарды кәсіпке бағдарлауды мақсат еткен бұл біріншілікке мемлекеттік органдардың, әлеуметтік серіктестіктердің өкілдері, кәсіпорын қызметкерлері мен техникалық және кәсіптік білім беру ұйымдарының педагогтері де қатысып, тәжірибе алмасады. Оқытушылар мен әлеуетті жұмыс берушілер кәсіби білім беруде қолданылатын заманауи әдіс-тәсілдер және білім беру технологияларымен танысады. Дәл осы сайыста мыңнан тұлпар, жүзден жүйрік шыққан студенттер WorldSkills Kazakhstan–2022 құрамасының сапында EuroSkills 2023 халықаралық чемпионатында ел намысын қорғайды.
Кәсіби шеберлік сыналатын мұндай чемпионаттар кәсіби білім сапасын арттыруға мүмкіндік береді. Сондай-ақ мұндай сайыстар студенттердің кәсіби шеберлікті арттыру орталығына айналып келеді.
Еліміз WorldSkills International (WSI) ұйымына 2014 жылдан бастап мүше болды. Сәйкесінше елімізде WorldSkills қозғалысын дамыту міндетін Talap КеАҚ мойнына алған.
2015 жылдан бастап елімізде кәсіптік мамандықтардың мәртебесін арттыру мақсатында жыл сайын облыстық және республикалық деңгейде WorldSkills чемпионаттары ұйымдастырылып тұрады. Олардан үздік шыққан студенттерден жасақталған ұлттық құрама қатысты. 2022 жылы әлемде WorldSkills Competition 2022 арнайы шығарылымы веб-әзірлеу құзыретінде қола медаль жеңіп алды.
