Кинематографтың мэтрлары
Кинематографтың мэтрлары
537
оқылды
Отандық кинематографтың мэтрлары – актер Нұржұман Ықтым­баев пен режиссер Сатыбалды Нарымбетовтің өмірі мен шығарма­шылығына арналған екі деректі фильмнің түсірілімі аяқталды. Екі туынды да – «Түпсіз құрдым» және «Қыз жылаған» фильмдері Мәдениет және спорт министрлігінің тапсырысы бойынша Ұлттық киноны қолдау мемлекеттік орталығының көмегімен түсірілген. Белгілі деректі кино режиссері Сатыбалды Текеев екі атақты кине­матографист жайлы оқиғаны өте жылы және аса құрметпен айта алды және кейіпкерлерді ұлы данышпан емес, жақын достар ретінде көрсете білді. Бұған автор таңдаған түсірілім тәсілдері, құрылымдық сценарий және кадрда әйгілі кино қайрат­керлерімен қарым-қатынасының егжей-тегжейін ашатын адамдар ық­пал етті. Режиссердің өзі де кезінде Саты­балды Нарымбетов пен Нұржұман Ықтымбаевтың шығармашылығынан шабыттанып, өзінің мансабын осы тұлғалардың жұмыстарын көруден бастаған болатын.
«Егер осы фильмдер де жаңа ки­нематографистер үшін өз әлеуетін ашуға ынта беретін болса, онда кар­тиналар өз міндетін орындай алды», – дейді фильм режиссері С.Текеев.