Қорғаныс министрлігі ішкиімінен бірнеше ер адамның шәуеті шықты деген сарбаздың өліміне қатысты мәлімдеме жасады

Қорғаныс министрлігі ішкиімінен бірнеше ер адамның шәуеті шықты деген сарбаздың өліміне қатысты мәлімдеме жасады
Фото: yandex.kz

Қорғаныс министрлігі Жамбыл облысындағы шекара бекетінде өз-өзіне қол салған 18 жастағы сарбаздың өліміне қатысты мәлімдеме жасады.

"2022 жылғы тамызда «Шөлдала» шекара заставасында мерзімді қызметін өткерген Қазақстан Республикасы ҰҚК Шекара қызметі сарбазының қаза табуына байланысты БАҚ-тың көптеген сауалына бұл жағдайдың ҚР Қарулы Күштеріне қатысы жоқ екенін хабарлаймыз. Қандай да бір мәлімет алу үшін ҚР ҰҚК Шекара қызметіне хабарласуыңызды сұраймыз", – делінген хабарламада.

Сонымен бірге ведомство Қазақстан Республикасы күштік құрылымдарының қатарына шақырылған ел азаматтары Қарулы Күштердің бөлімшелерінде ғана емес, Ұлттық ұланның (ІІМ), ҰҚК Шекара қызметінің, Төтенше жағдайлар министрлігінің және Мемлекеттік күзет қызметінің әскери бөлімшелерінде де қызмет атқаратынын ескертті.

Айта кетейік, бұған дейін Ішкі істер министрлігі Жамбылдағы шекара бекетінде қаза тапқан сарбаз өліміне қатысты деректерді жария еткен адвокат Сержан Пралиев жауапқа тартылуы мүмкін екенін хабарлады. Адвокат «Бес адам арақ ішкен» деп Жамбылда шекара бекетінде асылып қалған сарбаздың өліміне қатысты тың мәліметтерді таратқан болатын.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.