Дәрігерлер Оралда тауға сырғанақ тебуге барған 17 жастағы қыздың денсаулығы туралы айтты. Бұл туралы Aikyn.kzБатыс Қазақстан облысы Полиция департаментіне сілтеме жасап хабарлайды.
Оқыс оқиға 28 қаңтар күні Ысқырық тауындағы «Саян» демалыс базасында сырғанақта болған.
«Шамамен сағат 22.00-де сырғанақ теуіп жүрген 2005 жылғы қызды трос соққан. Соның салдарынан қыз іштің жабық жарақатын алған. Бауырына зақым келген. Оң жақтағы үш қабырғасы сынған. Қыз 29 қаңтар күні сағат 01.34-те облыстық көпбейінді балалар ауруханасына жеткізілді. Жансақтау бөлімінде жатыр. Қазіргі кезде оқиғаның жай-жапсары анықталып жатыр», – дейді дәрігерлер.
