Орал қаласында жоғалып кеткен оқушы қыз бес күннен кейін аман-есен табылды.
14 жастағы жасөспірім 10 ақпан күні шамамен сағат 22.00-де үйінен шығып кеткеннен кейін оралмаған еді.
Зарина Нығметова қаладағы №34 орта мектепте оқиды.
БҚО Полиция департаменті баспасөз қызметінің хабарлауынша, іздестіру іс-шаралары барысында қыз 15 ақпан күні сағат 18.00-де табылды.
«Ол Зачаган кенті “Сарытау” шағынауданындағы достарының үйінде болған. Аман-сау», — деп хабарлады ведомство.
