БҚО-да мал ұрлаумен айналысқандар құрықталды
БҚО-да мал ұрлаумен айналысқандар құрықталды
Орал қаласы маңынан 6 мал ұрлығы фактісіне қатысы бар деп күдікке ілінген қос барымташы ұсталды.
16 ақпанда сағат 06:00 уақыт шамасында Орал қаласына жақын орналасқан Серебряков ауылы маңында жедел іздестіру іс-шараларын жүргізу нәтижесінде осы өңірдегі бірқатар ауыр қылмысқа қатысты 1990 және 1987 жылы туған екі азамат ұсталды.
"Олардың автокөліктерінің салонын тексеру кезінде 16 ақпанға қараған түні Ақжайық ауданының Ілбішін ауылынан ұрланған ірі қара малдың еті, балта, арқан және үш пышақ табылды.Олардың басқа да ашылмаған қылмыстарға қатыстылығын тексеру кезінде Ақжайық, Бәйтерек және Теректі аудандарының аумағында 2022-2023 жылдары бұрын жасалған тағы 5 мал ұрлығы фактілеріне қатыстылығы анықталды", делінген полиция хабарламасында.