Қазақстандық құтқарушылар Түркияда кәсібиліктің жоғары деңгейін көрсетті – Премьер-Министр
Қазақстандық құтқарушылар Түркияда кәсібиліктің жоғары деңгейін көрсетті – Премьер-Министр
Фото: ТЖМ
ҚР Премьер-Министрі Әлихан Смайылов Түркияда зілзала құрбандарын құтқаруға атсалысқан ҚР ТЖМ қызметкерлеріне алғыс білдірді.
«Ең алдымен, бауырлас Түркия Республикасына барып, жер сілкінісінен зардап шеккен адамдарды құтқаруға атсалысқан Төтенше жағдайлар министрлігінің қызметкерлеріне шынайы алғысымызды білдіреміз. Біздің мамандарымыз кәсібиліктің жоғары деңгейін көрсетті, бастарын қатерге тігіп, мәртебелі міндетті абыроймен орындады», – деді Ә.Смайылов Үкіметтің бүгінгі отырысында.
Сонымен қатар министр өз еліміздегі су тасқыны қаупіне дайындықты күшейтуді тапсырды.
«Министрліктің еліміздің оңтүстік өңірлеріндегі бөлімшелері де шұғыл әрекет етіп, биылғы ақпан айында болған тасқын қаупін барынша азайтты. Олардың да үйлесімді жұмысын атап өткім келеді. Дегенмен  қалыптасып отырған жағдайды ескере отырып, біз су тасқыны кезеңіне дайындық мәселелерін тағы бір рет қарауымыз қажет», – деді Үкімет басшысы.