Қазіргі кезеңдегі білім беруді дамытудың жетекші тенденцияларының бірі инклюзивті білім беруді дамыту болып табылады. Бұл жоғары оқу орындарына да қатысты. Сарапшы Мамандар білімнің қолжетімділігі тек мектеппен ғана шектеліп қалмай, жоғары білім, жұмысқа орналасу және әлеуметтік өмірдің басқа да аспектілерін қамтуы керек деген тұжырымға әлдеқашан келген. Бұл ретте ерекше білім беру қажеттіліктері бар студенттерге қосымша арнайы жағдайлар, оқуды жеңілдететін көмек пен қолдау көрсетіледі.
Осы өзекті мәселелерге қатысты Абай атындағы ҚазҰПУ «Жоғары инклюзивті білім беру: кедергілер, тенденциялар, мүмкіндіктер» тақырыбында республикалық дөңгелек үстел өткізді.
Дөңгелек үстелге ҚР Ғылым және жоғары білім министрінің кеңесшісі Серіков Таңсәуле Ғабдиманатұлы, «САТР орталығы» ЖШС директоры Р.А.Сулейменова, «Азаматтың Әлеуеті» қайырымдылық қорының, «Service Learning» жобасы филиалының өкілдері және «Kazakhstan Special Olympics» ҚБ, «Жылы ұя» РҒЗИ, Қазақ зағиптар қоғамының өкілдері, РҒЗИ Ұлттық ғылыми-практикалық орталығының ғалымдары; Қазақстан Республикасының бірқатар жоғары оқу орындарының өкілдері, сурдоаудармашылар, педагогикалық қоғамдастықтың өкілдері қатысты.
Дөңгелек үстел аясында ерекше білім беру қажеттіліктері бар адамдарды қолдау және жоғары оқу орындарында инклюзивті білім берудің қолжетімділігі бойынша Жол картасы талқыланды. Талқылау нәтижесінде Жол картасына оқу ғимараттары мен студенттік жатақханаларға физикалық кедергісіз кіру жағдайларын қамтамасыз ету бойынша өте маңызды ережелер енгізілді; ерекше білім беру қажеттіліктері бар студенттер үшін оқу кеңістігін және оқу ортасын қолдау туралы (мысалы, тірек-қимыл аппараты бұзылған адамдар үшін оқу кеңістігін бейімдеу; көру қабілеті нашар адамдарға арналған сызық ұлғайтқыштар мен экранды үлкейту бағдарламалары; зағиптарға арналған дауысты бағдарламалар; дыбыс күшейтетін жабдығы бар аудиториялар еститін мүгедектер үшін; құлағы нашар еститіндер үшін сурдоаудармашы; оқу материалдарын алдын ала тарату және т.б.)
Болашақ мұғалімге арналған бағдарламаларды әзірлеу және инклюзивті білім беруді дамытуға үкіметтік емес ұйымдарды, қоғамдық қорларды, қоғамдық бірлестіктерді белсенді тарту ерекше қызығушылық тудырды.
«Арнайы педагогика», «Педагогика және психология», «Психология» мамандықтары бойынша оқытуды жүзеге асыратын мұғалімдерді қолданбалы талдаудың негізгі курсы, ADOS-2 аутизмді ерте диагностикалау әдістемесі, балаларды коррекциялық қолдау бойынша оқыту ұсынылды.
