112 құтқару қызметіне Ақтөбе қаласы Алматы ауданы Жангелдин көшесіндегі жеке тұрғын үйдің жанып жатқаны туралы хабарлама түскен. Өртті сөндіруге жеке құрамнан 16 адам және 3 бірлік техника жұмылдырылды.
"Шақырту орнына өрт сөндірушілер барған кезде жер үйдің ас бөлмесі және кіреберіс бөлмесі өртеніп, шатырға ұласқаны анықталды. Өрт кезінде 2013 және 2019 жылы туған 2 баланың денесі табылды. 1954 жылы туған әйел қазір жансақтау бөлімінде жатыр. Барлығы үйде 5 адам болған. Өрт сағат 04:41-де оқшауланып, 04:49-да сөндірілді. Өрттің ауданы 40 шаршы метр", – деп хабарлады облыстық ТЖД баспасөз қызметі.
Қазіргі кезде өрттің шығу себебі анықталып жатыр.