– Мемлекет басшысының «Әділетті Қазақстанның экономикалық бағдары» атты халыққа Жолдауы өнеркәсіптік саясат; аграрлық сектор және азық-түлік базасы; инфрақұрылымды жаңғырту; көліктік-логистикалық әлеуетті іске асыру; цифрландыру, инновация және креативті индустрияны дамыту; орта кәсіпкерлік пен бәсекелестікті дамыту; макроэкономикалық саясатты қайта жүктеу; адами капиталды нығайту; тиімді мемлекеттік аппарат сияқты маңызды тоғыз бағытты қамтыды.
Оның ішінде Орта кәсіпкерлік пен бәсекелестікті дамыту бөлігінде Президентіміз ең алдымен шағын бизнес субъектілерін ірілендіру үшін заңнамаға бірқатар өзгерістер енгізуді тапсырды. Осы ретте бізге, яғни депутаттар тарапынан бар күш-жігерімізді салып, кәсіпкерлікті дамытуға бағытталған заңдарды қабылдайтын боламыз.
Айта кету керек, орта бизнес шағын бизнеске қарағанда тәуекелге азырақ бейім. Өйткені олардың ресурстары мен қаржылық тұрақтылығы жоғары. Тиісінше, инвесторлар мен несие берушілер үшін тартымдысы – орта бизнес. Мемлекет шағын бизнесті орта санатқа ауыстыру жөнінде шаралар қабылдайтын болады. Нәтижесінде, орта бизнеске де мемлекеттік қолдау көрсетілетін болады.