Департамент мәліметінше, оқиға 14 қазанда Зайсан қаласындағы Боқажанов көшесінде болған.
Бірқабатты қоғамдық моншада қатты отынмен жұмыс істейтін жылу қазандығы жарылды.
Соның салдарынан бір адам қаза тауып, екі адам жарақат алды.
– Жедел жәрдем қызметкерлері 1984 және 1991 жылы туған ер адамдарды медициналық мекемеге жеткізді. Қазандық жарылған кезде монша ішінде адамдар болмаған. ТЖД қызметкерлері жартылай құлаған ғимаратты тазалауда, – делінген ақпаратта.
Қазіргі уақытта Зайсан қаласына облыс әкімі Ермек Көшербаев пен ШҚО ТЖД бастығы Ерғали Бахаев жолға шықты.