Астана қаласы Полиция департаменті бұрынғы ұлттық экономика министрі Қуандық Бишімбаевтың әйелі көз жұмған Bau мейрамханасындағы бейнебақылау камераларынан видеоларды алып кетті, – деп хабарлайды Aikyn.kz қалалық ПД баспасөз қызметіне сілтеме жасап.
Полиция департаменті кісі өлтіру дерегі бойынша тергеуді жалғастырып жатыр.
"Қазір тергеу органдары қызмет көрсетуші персонал мен жасалған аса ауыр қылмыстың мән-жайын білуі мүмкін басқа да адамдардан жауап алу кезінде деректерге тексеріс жүргізеді. Сондай-ақ оқиға орнынан тиісті зерттеулер тағайындалған бейнематериалдар алынды. Тергеу жалғасып жатыр, тергеу мүддесі үшін басқа ақпарат жария етілмейді", – делінген хабарламада.
Еске сала кетейік, 9 қарашада экс-министр Қуандық Бишімбаевтың екінші әйелі Салтанат Нүкенова ауыр соққыдан жедел жәрдем келмей тұрып, оқиға орнында қаза болғаны жайлы ақпарат тараған. Кейіннен құзырлы органдар болған оқиғаны растады. Қуандық Бишімбаев 2 айға қамауға алынды.
Фото: Тұрар Қазанғапов