Полиция жоғалған баланы іздестіріп жатыр.
Түркістанда ойнауға шығып кеткен 4 жасар бала үйіне оралмаған

1 желтоқсан күні  кешкі уақытта полицияға жергілікті тұрғын арызданып, сол күні ойнауға шығып кеткен 4 жасар ұлының үйіне қайта оралмағанын жеткізді, деп хабарлайды Aikyn.kz. 

Ер азаматтың арызы бірден тіркеліп, тез арада полицияның жеке құрамы жұмылдырылды. Қазір тәртіп сақшылары жүйелі түрде жан-жақты іздестіру жұмыстарын жүргізуде. 

"Жоғалған баланың жеке басы мен түр-тұлғасы бойынша мәліметтер фотосуретімен бірге барлық аумаққа жолданды. Еріктілер мен тұрғындар да көмекке келді",  деп жазды құзырлы органнан.

Бақыт Айбар Алдиярұлы 25.05.2019 жылы туған. Бойы 60-65 см, шашы қара-қоңыр түсті. Үстінде сұр түсті торлы жейде, қоңыр түсті шалбар, аяғында резеңке аяқкиім болған. 

Көрген-білген адамдар болса, шұғыл полицияның кезекші бөліміне 8-725-33-5-97-65,  8-725-33-97-40-94 немесе +77014596666,  +77026376600,  +77759962793, сондай-ақ 102 нөміріне  хабарласуды сұраймыз.