8 желтоқсан күні Тәуелсіздік мерекесіне орай Алматы қаласындағы Медеу аудандық білім бөлімінің қолдауымен №77 мектепте 5-6 және 7-8 -сынып оқушылары арасында шахматтан турнир өтті, – деп хабарлайды Aikyn.kz.
Медеу ауданының барлық ойыншылары алдымен салтанатты жиынға қатысты.
Ойын барысында қатысушылар арасында шахмат ойынының керемет комбинациялық шеберліктері көрсетілді. Ең үздік, мықты деген шахматшылар мәреге шықты. 5-6 және 7-8-сынып оқушыларынан 6 қатысушы жеңімпаз атанды.
Ойын соңында олар түрлі дәрежедегі халықаралық жарыстардың жеңімпазы Дінмұхамед Төлендиновпен бір уақытта ойын өткізді.
Шахматтық турнир – спорттық ойын ғана емес, нағыз интеллектуалдық көрініс. Ол шахматшыларды біріктіріп қана қоймай, ойынның нағыз бағалаушы одағын құрады.
