Инклюзивті білім беруді және дарынды жастарды қолдау ретінде Димаш Құдайбергеннің концерттік киімі, Геннадий Головкиннің қолтаңбасы қойылған қолғап, теннисші Елена Рыбакинаның қолтаңбасы қойылған ракетка, «Реал Мадрид», «Барселона» футбол клубтары ойыншыларының қолтаңбалары қойылған футболкалар, испан шабандозы Фернандо Алонсоның қолтаңбасы қойылған бейсболка, әлемнің экс бірінші ракеткасы Рафаэль Надальдің қолтаңбасы қойылған футболка XIV Қысқы қайырымдылық балының аукционында сатылды, – деп хабарлайды Aikyn.kz.
Елордада өткен XIV Қысқы қайырымдылық балында 90 млн теңгеден астам қаражат жиналды. Іс-шараны жыл сайын «Болашақ» корпоративтік қоры өткізеді. Түскен қаражат қордың «Әр бала мектепке баруға лайықты» және «Жол жүру гранттары» әлеуметтік жобаларына бағытталады.
11 жыл ішінде қайырымдылық балдары арқасында 800 миллион теңгеден астам қаражат жиналды. Жиналған қаражатқа «Болашақ» қоры 80-нен астам мамандандырылған оңалту мекемесін, оның ішінде Қазақстанның 22 қаласында 56 инклюзияны қолдау кабинетін ашып, жарақтандырды. Инклюзия саласында 500-ден астам жұмыс орны құрылды. 3 500-ден астам маман мен ата-ана инклюзивті білім беру және мінез-құлықты қолданбалы талдау бойынша оқудан өтті. Аз қамтылған отбасылардан шыққан балаларға және ерекше қажеттіліктері бар адамдарға 107 жол жүру және 17 білім беру гранты берілді.
Ерекше балалардың құқықтарын жүзеге асыру үшін «Болашақ» қоры инклюзивті білім беруді дамыту бөлігінде ҚР заңнамалық актілеріне 80-нен астам сапалы ұсынымдар мен түзетулер енгізді.
– Өткен жылы біз 10 балабақша мен мектепте инклюзияны қолдау кабинеттерін аштық, аутизм, Даун синдромы бар балаларға арналған футболдан инклюзивті секцияны іске қостық, ерекше балалардың ата-аналарына психологиялық қолдау көрсету бойынша OI SANA жобасын іске қостық, тағы 500-ге жуық мектеп, колледж, балабақша директорларын, мамандар мен ата-аналарды оқыттық.
2015 жылы біз инклюзияны қолдау кабинеттерінің моделін әзірледік, ал қазір біздің моделіміз 700-ден астам білім беру ұйымдарында мемлекеттік білім беру жүйесіне енгізілді. Бір кездері біздің жобаға келген кішкентай балапандар, міне қазір 9-сыныпты бітірейін деп жатыр. Сондықтан да бүгінде біз аутизм және дамуында басқа да ерекшеліктері бар балалардың қарапайым кәсіптерді оқып үйренуі үшін инклюзия саласындағы басқа қорлармен бірге белсенді жұмыс жүргізіп келеміз.
Бүгінгі мейірімділік пен сұлулық мерекесін жасауға көмектескен демеушілеріміз бен серіктестерімізге алғыс айтқым келеді. Балдың аукционына лоттар ұсынғандары үшін Димаш Құдайбергенге және Испания Корольдігінің елшісі Хорхе Урбиола Лопес де Монтенегроға ерекше алғыс білдіргім келіп тұр, – деді «Болашақ» қоры Қамқоршылық кеңесінің төрайымы Динара Гаплан.
Жылдан-жылға көптеген компания өздерінің әлеуметтік жауапкершілігін көрсетіп, балды ұйымдастыруға қолдау көрсетеді. Осы жылдар ішінде балды өткізуге 164-тен астам демеуші мен серіктес қосылды.
XIV Қысқы қайырымдылық балын ұйымдастыру «Нұрбанк» АҚ, Caspian Integrated Services, Borkit International Ltd компанияларының, «Алматы халықаралық әуежайы» АҚ, Allur auto компаниялар тобы, сондай-ақ Hilton Astana, А-Event KZ және MYD Production компанияларының демеушілік қолдауымен өтті.
Бірегей лоттар: спорттық атрибутика және өнер нысандары қойылған аукцион балдың шарықтау шегіне айналды. Сондай-ақ кеш қонақтарын қор серіктестерінен бағалы сыйлықтар ұтыс ойыны да қуантты.
30 жұп дебютанттың жарқын өнер көрсетуі бал қонақтарының көңілдерін шат етті. Қысқы қайырымдылық балдарын қоюшы-хореограф, Қазақ ұлттық хореография академиясының хореография факультеті деканының орынбасары, «Звездные танцы Казахстан» телевизия жобасының қатысушысы, «Тәуелсіздік ұрпақтары» жобасының жеңімпазы Евгений Моисеевпен бірге мамандықтары әртүрлі жастар бірнеше ай бойы бар ықыласын салып жаттықты. Кештің хедлайнерлері – танымал өнерпаздар Қазыбек Құрайыш пен Qanay болды.
Барлық жиналған қаражат «Болашақ» қорының аутизм және басқа менталдық бұзушылықтары бар адамдарды еліміздің колледждерінде кәсіби-техникалық оқыту бойынша сынамалы жобаларын іске қосуға, футболдан және шахматтан инклюзивті секцияларын ашуға, еліміздің балабақшаларында инклюзияны дамытуға, менталдық денсаулық бойынша Oi SANA жобасын жүзеге асыруға, сондай-ақ әлемдік біріншіліктерге қатысу үшін дарынды жастарға жол жүру гранттарын беруге бағытталады.
Қайырымдылық қаражатын пайдаланудың ашықтығын сақтау мақсатында қордың bolashakcharity.kz сайтында қаржылық есептер жарияланады.
Балдың серіктестері: Air Astana әуекомпаниясы, Red Panda баспасы, The Sun, Evrika компаниялары, Астана қаласының әкімдігі, Turkish Airlines, Испания Корольдігің Хатшылығы, Bekesh textile маталар үйі, Астана қаласы Халықаралық мектебі, Клиника Доктора Сафи, Good Project, Doctor Dent компаниялары, Argymaq қазақстандық үздік бренд, TUMI компаниясы, Coffeeday кофеханалар желісі, Life Fitness фитнесс-орталығы, «Дом у озера» қонақүйі, Қазақстан футбол федерациясы, Қазақстан шахмат федерациясы, «Пхали и Хинкали» мейрамханасы, «17.Office» шоу-румы, «MEGA Silk Way» СОСО.
Балдың ақпараттық серіктестері: Jibek Joly ұлттық телеарнасы, Silk Way халықаралық спутниктік арна, «ҚазАқпарат» халықаралық ақпарат агенттігі, We Project халықаралық порталы, Sxodim Group медиахолдингі, NUR Media холдингі, Sputnik Қазақстан, BES.media, Massaget.kz, Smartnews.kz, The Qazaqstan Monitor ақпарат агенттіктері.
Айта кетейік, Қор 2012 жылдан бастап Астанада Қысқы қайырымдылық балын өткізеді. Бұл – өзіндік тарихы бар Қазақстанда жыл сайын өткізілетін жалғыз бал. Барлық жиналған қаражат дамуында ерекшеліктері бар балалардың сапалы білім алуы үшін жағдай жасауға және халықтың осал топтарынан шыққан дарынды жастарды қолдауға бағытталады. 11 жыл ішінде 850 миллиондай теңге қайырымдылық қаражат жиналды.
Бұл қаражатқа:
• 24 мамандандырылған оңалту мекемесі ашылып, жарақтандырылды;
• Қазақстанның 22 қаласында 56 инклюзияны қолдау кабинеті ашылды;
• аутизм және басқа менталдық бұзушылықтары бар 800 бала үйдегі оқытудан шығарылып, күнде мектепке баратын болды;
• 36 бала дислексия қаупіне диагностикадан өтті;
• инклюзия саласында 500 жұмыс орнын құрылды;
• 3 500 маман және ата-ана инклюзивті білім беру бойынша оқудан өтті;
• аз қамтылған отбасылардан шыққан балаларға және ерекше қажеттіліктері бар адамдарға 124 жол жүру және білім беру гранты берілді;
• 3 500-ден астам маман оқыды;
• балалар үйлерін жөндеу, концерттік және ойын алаңдарын салу қаржыландырылды;
• көзі нашар көретін азаматтарға арналған мамандандырылған кітапханада дыбыс жазу студиялары ашылды.