Бес адам оқиға орнында қаза тапты. Бұл туралы Aikyn.kz БҚО Төтенше жағдайлар департаментіне сілтеме жасап хабарлайды.
Оқиға 9 қаңтар күні Жаңақала ауданында болды. Сағат 17.17-де Чапаев-Жаңақала жолы бойында Ақбалшық пен Пятимар ауылдарының арасында Toyota Estima және Hyundai SantaFe автокөлігі бетпе-бет соқтығысты.
Жол апаты салдарынан бес адам мерт болды. Құтқарушылар марқұмдардың мәйітін автокөліктен шығарды.
Куәгерлердің айтуынша, қаза тапқандардың төртеуі бір отбасынан болуы мүмкін.
Өңірде биыл 9 күн ішінде жол апатынан 12 адам қаза тапты.