Қазіргі уақытта ескерткіш қорғаныс ведомствосы ғимараттарының бірінде уақытша сақталып тұр.
Қорғаныс министрлігі Астанадағы Нұрсұлтан Назарбаев ескерткішінің алынып тасталуына қатысты пікір білдірді
Фото: azattyq-ruhy.kz

Қорғаныс министрлігі Ұлттық қорғаныс университетінің аумағында ҚР Тұңғыш Президентінің ескерткішін бөлшектеуге (демонтажға) қатысты Aikyn.kz редакциясына арнайы жауап берді. 

Ведомствоның хабарлауынша, ҚР Қорғаныс министрінің бұйрығымен "ҚР Тұңғыш Президенті – Елбасы атындағы Ұлттық қорғаныс университеті" атауы "ҚР Ұлттық қорғаныс университеті" болып өзгертілді.  

"Осыған байланысты Ұлттық қорғаныс университетінің аумағында орналасқан ҚР Тұңғыш Президентінің ескерткішін ҚР Қарулы күштерінің Мемлекеттік әскери-тарихи мұражайының ғимаратына көшіру және орнату туралы шешім қабылданды. Қазіргі уақытта ескерткіш қорғаныс ведомствосы ғимараттарының бірінде уақытша сақталуда тұр. Тиісті дайындық шараларын өткізгеннен кейін ескерткіш мұражай ғимаратына көшіріледі", – делінген ақпаратта.