Диана Сағынтаева Ертіс ауданы Қызылжар ауылындағы үйінен Павлодар қаласына жұмыс істеу үшін шығып, содан хабарсыз кеткен.
Павлодарда екі баланың анасы жоғалып кетті
фото: pixabay.com

Павлодарда екі баланың анасы 10 күннен бері іздестіріліп жатыр. 26 жастағы келіншек 8 қаңтардан бері жоқ, – деп хабарлайды Aikyn.kz Instagram-дағы Poiskoviki_pavlodara_vita парақшасына сілтеме жасап.

2024 жылғы 8 қаңтарда Диана Сағынтаева Ертіс ауданы Қызылжар ауылындағы үйінен Павлодар қаласына жұмыс істеу үшін шығып кеткен, содан бері хабарсыз.

"Белгілісі қыз қалаға таксимен сағат 21.00 шамасында келген және оқиға куәгердің (онымен бір көлікте келе жатқан жігіт) айтуынша, қыз көліктен Сәтбаев-Торайғыров көшелерінің қиылысына түсіруді сұраған. Осыған дейін қыздың туыстары оның жоғалғаны жөнінде хабар таратқан", – деп жазды еріктілер өз парақшасында.

Туыстарының сөзінше, Диананың кәмелетке толмаған екі баласы мен күйеуі бар. Волонтерлер әлі де іздеу жалғасып жатқанын хабарлады.

"Егер сіз Диананың қайда екенін білсеңіз немесе сізде басқа да маңызды ақпарат болса, сізден біздің волонтер нөмірлеріне дереу хабарласуыңызды сұраймыз: +7 (747) 615 55 63 Катерина +7 (777) 334 82 01 Светлана", – делінген хабарламада.