Ауыл тұрғындарының қуанышын бөлісуге Павлодар облысының әкімі Асаин Байханов, "AMANAT" партиясының өңірлік, қалалық филиалдарының басшылығы, барлық деңгейдегі мәслихат депутаттары келді, – деп хабарлайды Aikyn.kz.
«AMANAT» партиясының "Халықпен бірге" өңірлік сайлауалды бағдарламасының Жол картасын орындау аясында 2023 жылы өңірдің 20 оқу орнында күрделі жөндеу жоспарланған болатын. Осыған ұқсас екі мектеп бұған дейін Железин ауданы Сычевка және Баянауыл ауданы Қаражар ауылдарында ашылған болатын.
"Мемлекет басшысы "елдің дамуы – жас ұрпаққа байланысты"деп атап өтті. Біз мектеп инфрақұрылымын жаңғыртуға және жаңартуға көп көңіл бөлеміз. Біз осы жылы басқа елді мекендерде мектептер мен бақтар салуды жалғастырамыз. Бұл біздің балаларымыз үшін ауылда жайлы жағдай жасаудың тағы бір қадамы болмақ", – деді облыс әкімі Асаин Байханов.
Жаңа мектепте заманауи компьютерлік жабдықтар орнатылған. Сыныптар робототехника және биотехнология сабақтарына қажетті барлық заттармен жабдықталған, STEM-зертхана бар, цифрлық микроскоптар және виртуалды-цифрлық зертхана сатып алынды. Сонымен қатар, мұнда шығармашылық және спортпен шұғылдануға арналған арнайы бөлмелер қарастырылған: жарықдиодты экраны және дыбыстық жабдықтары бар акт залы, қажетті жабдықтары бар спорт залы. Мектепті салу мен бастаудағы маңызды критерий оқушылардың қауіпсіздігі болды. Мекеме бейнебақылау, киберқауіпсіздік жүйесімен жабдықталған, мектепке кіруді бақылау ұйымдастырылған. Сондай-ақ, мектеп жанында мектепке дейінгі білім беру орталығы және 20 орындық мектеп жасына дейінгі балаларға арналған шағын орталық бар.
Жаңа мектеп үшін алғыс сөздерін балалар мен ата-аналар білдірді. Олардың қатарында 36 жастағы Александра Сергеева бар. Он баланың анасы Сычевкаға 2016 жылы көшіп келген. Ең үлкен қызы қазір 15 жаста, кіші баласы 2 жаста, үлкен отбасынан шыққан төрт бала-мектеп оқушысы. Көпбалалы ана жаңа мектептің құрылысына күмәнмен қарағанын айтып, бірақ олардың барлық үміті орындалғанын жеткізді.
"Бұрынғы мектеп апатты жағдайда болды, тіпті қауіп төндірді. Тозығы жеткен ғимарат кез келген уақытта және кез келген жерде қирап кетуі мүмкін, балаларды оқуға жіберу қорқынышты болды. Жаңа мектептің сапасы тіпті қалалықтардан да жоғары екенін көріп тұрмыз. Бұл ауылда өмір сүруді және жұмыс істеуді жалғастыруға керемет ынталандыру. Осындай жаңғыртудың арқасында Сычевка өсіп, жастар бізге келеді деп үміттенеміз", – деді Александра Сергеева.
Осы және басқа екі ауылдық мектептің құрылысы Eurasian Resources Group (ERG) мен Павлодар облысы әкімдігі арасында әлеуметтік маңызы бар жобаларды іске асыру туралы меморандум шеңберінде ұйымдастырылды.
