«Қазавтожол» бүгін сағат 21.00-дегі ахуалды хабарлады.
Қазақстанның 13 өңірінде жол жабылып, төрт мыңнан астам көлік жүре алмай тұр
Фото: ТЖМ-нен алынды

Ауа райының қолайсыздығына байланысты 13 облыста республикалық маңызы бар автожолдардың 59 учаскесінде көлік қозғалысына шектеу енгізілді.

Шектеу республикалық маңызы бар күре жолдың 5973 шақырымына енгізілді. 

Аталған учаскелерде жолда 4 182 бірлік көлік (3598 жүк көлігі, 584 жеңіл көлік, 3 қоғамдық көлік) жиналып тұр. 

«ҚазАвтоЖол» жолшылары күшейтілген режимде жұмыс істеп жатыр. Ағымдағы сағатта республикалық маңызы бар автожолдарды қысқы күтіп-ұстау жұмыстарын жүргізуге 785 арнайы техника мен 1420 жұмысшы жұмылдырылды.

Барлық шұғыл ақпарат Sapar мобильді қосымшасында жүктелген және компанияның ресми сайтында https://kz.qaj.kz/s/ қолжетімді. 

Сондай-ақ, тәулік бойына 1403 Call-орталығы жұмыс істейді.