Қызылорда қаласында 28 жастағы азамат 4 күннен бері іздестіріліп жатыр, – деп хабарлайды Aikyn.kz қалалық Полиция басқармасына сілтеме жасап.
Қызылорда қаласының 28 жастағы тұрғыны Қалдыбек Сансызбайұлы Қайырбеков 1 наурыз күні үйінен белгісіз бағытқа шығып кеткен. Одан кейін үйіне қайта оралмаған. Осыған байланысты Қызылорда қаласы Полиция басқармасы Қалдыбек Қайырбековке іздеу салды.
Бойы – 1,80 см, шашы қара түсті, орта денелі. Сол жақ бетінде қызғылт түсті қалы бар. Үстіне ақ куртка, ақшыл-көк түсті джинсы шалбар, аяғына қара түсті кроссовка киген.
«Аталған хабарлама бойынша қандай да бір ақпарат немесе жүрген жері туралы мәлімет білген жағдайда 8(7242)-29-75-20, 8-705-255-81-25 немесе 102 арнасына қоңырау соғуды сұраймыз», – делінген хабарламада.