17 наурызда Алматыдағы ірі сауда-ойын-сауық орталығына қарама-қарсы жолда апат болды.
Алматыда жеңіл көлік ағашқа соғылып, бір адам көз жұмды
337
оқылды

Оқиға орнына полицейлер мен жедел жәрдем көлігі шұғыл келіп жетті, – деп хабарлайды Aikyn.kz.

Zakon.kz жазғандай, Mitsubishi Lancer жеңіл көлігі Сейфуллин көшесімен оңтүстік бағытта келе жатып, Мақатаев көшесіне жетпей, неге екені белгісіз жолдан шығып бар жылдамдығымен ағашқа соғылды.

Күшті соққы салдарынан көліктің корпусына айтарлықтай зақым келген.  Алдыңғы әйнекке басымен қойып кетіп, сындырған жолаушы әйел дәрігерлер бригадасы келіп жеткенге дейін оқиға орнында жан тапсырды.

Оқиға орнында жол полициясының экипажы Mitsubishi Lancer көлігінің жолаушылар орындығында болдым деген ер адамды ұстады.

Алайда, фактілер, керісінше болып шықты. Ер адам ұсталып, есірткі қолданды деген күдікпен медициналық тексеруге жолданды. 

Полицияға мән-жайларды анықтау үшін сауда-ойын-сауық орталығының күзетшісі көмекке келді. Ол жолаушылар орындығы жағынан ер адамның жәбірленушіні сүйреп сыртқа алып шыққанын көргенін айтты. Бұл марқұмның жүргізуші емес, жолаушылар орындығында болғанын көрсетеді.