Оқиға бүгін болған.
Қарағандыда өртенген үйден ер адамның денесі табылды
Фото: Қарағанды облысы ТЖД
376
оқылды

Қарағандыда бес қабатты тұрғын үйден өрт шықты,  деп хабарлайды Aikyn.kz.

ТЖД өртенген пәтерден 1953 жылы туған ер адамның мәйіті табылғанын мәлімдеді. 

«Бүгін сағат 17.48-де ТЖД кезекшісінің пультіне 5 қабатты тұрғын үйдегі пәтердің өртенгені туралы хабарлама келіп түсті. Құтқарушылар бригадасы өрт орнына келіп, бес азаматты, оның ішінде екі баланы құтқарды. Сондай-ақ өрт сөндірушілер тағы бес адамды эвакуациялады»,  деп хабарлады Қарағанды облысы ТЖД баспасөз қызметінен.

Өртті жоюға жеке құрамның 30 адамы және 7 бірлік техника жұмылдырылды. Өрт сағат 18:19-да жойылды. Өрттің шығуына алдын ала болжамға сай электр сымдарының қысқа тұйықталуы себеп болған.