Елдегі төтенше жағдайға байланысты көптеген бауырлас елден телеграмма келіп жатыр.
Елімізде оперативті штаб құрылды
304
оқылды

Алайда Сыртқы істер министрлігінің ресми өкілі Айбек Смадияров «су тасқынына байланысты әзірге сырттан гуманитарлық көмек керек емес» дейді. Оның айтуынша, бүгінде Қазақстанның бірқатар өңірінде болған су тасқынына байланысты бауырлас Қырғыз мемлекеті өз бастамасымен көмек көрсеткен.

«Осыдан 2 күн бұрын Қырғыз Рес­публикасы Төтенше жағдай минис­тр­лігінің 15 жүк көлігі мен 1 жол талға­майтын көлігі Қазақстан шек­арасын кесіп өтті. Онда 300 тонна жүк бар. Мы­­салы, су, күріш, қарақұмық жар­масы, кәм­пит, шай, қант және матрас, жылытқыш, кереует, ша­тыр болды. Көптеген бауырлас елден теле­грамма келіп жатыр. Олар қолдайтынын айтып, ниет білдіруде», – деді Айбек Смадияров.

Сондай-ақ Айбек Серікбайұлы Үкі­мет су тасқынына қарсы бар күшін са­лып, күресіп жатқанын жеткізді.

«Елімізде оперативті штаб құрылды. Пре­мьер-Министрдің барлық орын­басары тиісті өңір­лерге шықты. Олар өңірлердегі жағдайды бақылауда ұстап отыр. Материалдық резервтің әлеуетін қолданып жатырмыз. «Қазақстан хал­қына» қоры мен халық та көмектесуде. Үкімет осы бағытта толыққанды жұмыс жүргізіп жа­тыр», – деді Айбек Сма­дияров.