Игі істен шет қалмай, туған жеріне сапары барысында қайырымдылық қорға ақша аударды.
Әнші Димаш Құдайберген тасқыннан зардап шеккендерге 15 миллион теңге аударды
Фото: instagram.com/kudaibergenov.dimash
7,825
оқылды

Әнші Димаш Құдайберген туған жері Ақтөбеге келді. Ол саяжай аумағында тұратын, бірақ қазір баспанасын тастап 40 мектепте уақытша тұрып жатқан тұрғындармен кездесті. Осылайша, қиын сәтте жерлестерімен бірге екенін жеткізіп, қайырымдылық қорына қаржы аударды. Aikyn.kz бұл туралы Kazinform агенттігіне сілтеме жасап хабарлайды.

Елімізде су тасқыны басталған кезде халықты сабырға шақырып, өзінің қай сәтте де қолдауға әзір екенін жеткізген әнші Димаш Құдайберген бүгін Ақтөбе облысына келді. Ол алдымен баспанасына су кірген қамкөңіл жерлестеріне демеу болып, олардың жанынан табылды. 

Фото: Kazinform

Жылы сөзін арнап, Мемлекет басшысы Қасым-Жомарт Тоқаевтың тапсырмасы негізінде елдегі атқарылып жатқан істерге тоқталды.

«Бала кезден бастап тілеуімді тілеп, биікке қанат қағып, қалықтап жүрсін деген тілек тілеп жүрген жерлестерімнің қал-жағдайын білмей кете алмадым. Жаңалықтардан мемлекет тарапынан ауқымды сомада көмек беріліп жатыр дегенді оқып жатырмын. Ең бастысы, еліміз аман болсын, жұртымыз тыныш болсын», – деді әнші.

Өзі де игі істен шет қалмай, туған жеріне сапары барысында қайырымдылық қорға ақша аударды.