Солтүстік Қазақстан облысында су тасқыны болған өңірлерде инфрақұрылымды қалпына келтіру және тасқыннан зардап шеккендерге көмек көрсету жұмыстары белсенді жүріп жатыр. Бұл туралы Солтүстік Қазақстан облысының әкімі Ғауез Нұрмұхамбетов Премьер-Министр Олжас Бектеновке мәлімдеді.
Тасқын болған өңірлерде үйлердің құрылысы басталды
791
оқылды

Аймақта 4 мыңға жуық от­басыға жалпы сомасы 1,5 млрд тең­геге 100 АЕК мөлшерінде біржолғы материалдық көмек көрсетілді.

Азаматтардың баспана мә­селесін шешу бойынша шара­лар кешені қабылдануда. Өңір­де барлығы 3,8 мың үй су ас­тын­да қалып, оның бүгінде 1,3 мыңы тек­серілді. Петропавл қаласы­ның «Солнечный-2» ықшамау­данын­да бекітілген үш жоба бо­йын­ша 500 тұрғын үй салы­нады. Тиісті мемо­ран­дум жаса­лып, қажетті инже­нер­лік ин­фра­құрылым жүр­гізілді. Мәсе­лен, «Қазақстан халқына» қо­ры­ның қара­жатына 100 үй салы­нып жатыр. Kazakhmys кор­порациясы қор арқылы тағы 100 үй сала бас­тады. Ірі панельді құрылысқа маманданған елор­далық «GLB үй құрылысы ком­бинаты» зауыты Kaspi АҚ қара­жатына 300 тұрғын үй салады.

СҚО тұрғындарына бас­пана сатып алу үшін жылжы­майтын мүліктің бастапқы және қайталама нарықтары не­гізінде пәтерлер пулы жа­сақ­талды. Петропавлда алғаш­қы 7 пәтер сатып алынды, атал­­ған жұмыс одан әрі жал­ғасады. Ойқала ықшамау­данын­да және Былғары кен­тінде 26 үй мен 7 пәтерге жөн­деу жұмыстары жүргізіліп жа­тыр.

Жалпы алғанда, бүгінде ық­­шамаудандар мен ауылдарда жөндеу-қалпына келтіру жұ­мыс­тарын жүргізу үшін 800-ден астам жұмысшы мен 400 бір­лік техника жұмылдырыл­ған. 

Үкімет басшысы Олжас Бектенов зардап шеккен елді мекендердегі тұрғын үйлер мен инфрақұрылымды қалпына келтіру жұмыстарын жедел­детуді, сондай-ақ өңірде егіс науқанын уақытылы әрі сапа­лы жүргізу жөнінде шаралар қабылдауды тапсырды.