Көпірдің жалпы ұзындығы – 1316 метр.
Бұқтырма су қоймасы арқылы өтетін Қазақстандағы ең үлкен көпір салынып жатыр
1,637
оқылды

Шығыс Қазақстан облысында Құйған ауылының маңындағы Бұқтырма су қоймасы арқылы өтетін екі жолақты автомобиль көпірінің құрылысы жүріп жатыр, – деп хабарлайды Aikyn.kz

Көлік министрлігі баспасөз қызметінің мәліметінше, көпірдің жалпы ұзындығы – 1316 метрді құрайды.

«Бүгінгі күні көпір тіректерін салу бойынша жұмыстардың 81%-ы орындалды: 21 тіректің 17-сі орнатылды, қалған 4 тіректі орнату бойынша жұмыстар жалғасып жатыр. Сондай-ақ 20 аралық құрылымның 10-ы салынды. Жұмыстарды орындау үшін қажетті алаңдарды қамтамасыз ететін уақытша технологиялық көпірдің құрылысы толығымен аяқталды.

Кірме жолда жер төсемін орнату және құм-қиыршық тас қоспасынан жол жабынын төсеу бойынша жұмыстар орындалды. Бұдан әрі құрылыс-монтаждау жұмыстарын іске асыру үшін барлық қажетті материалдар дайындалды», – деп атап өтті ҚР Көлік министрлігі Автомобиль жолдары комитетінің төрағасы Төлеген Абдуллин.

Жасалып жатқан жоба өңір үшін стратегиялық маңызға ие. Жобаның сәтті аяқталуы Абай және Шығыс Қазақстан облысының көлік инфрақұрылымын жақсарта түспек.

 

Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.