Тараз қаласының прокуратурасы тексеріс жүргізу нәтижесінде жеке сот орындаушысы мемлекет пен банк ұйымдарының пайдасына өндірілетін қаражатты ұрлағанын анықтады.
Таразда жеке сот орындаушысы өндіріліп алынған ақшаны өз қажетіне жұмсаған
564
оқылды

Жамбыл облысында жеке сот орындаушысы өз өкілеттігін теріс пиғылда пайдаланған, – деп хабарлайды Aikyn.kz.

Тараз қаласының прокуратурасы тексеріс жүргізу нәтижесінде жеке сот орындаушысы мемлекет пен банк ұйымдарының пайдасына өндірілетін қаражатты ұрлағанын анықтады.

"Сот орындаушысы 46 борышкерден өндіріп алынған 3,1 миллион теңгені, соның ішінде 635 мың теңге қаражатты жеке шотына аударып, өз қажетіне жұмсаған. Борышкерлерге қатысты материалдар түпкілікті орындалмай, берешек өтелмей қалған", – деп жазылған хабарламада.

Осы дерек бойынша Тараз қаласының прокуратурасы Қылмыстық кодекстің 251-бабының 2-бөлігімен (жеке сот орындаушысының өкілеттігін қайталап теріс пайдалануы) соталды тергеу бастады.

Қылмыстық істі тергеу Тараз қалалық Полиция басқармасына жүктелді.

Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.