Астана қаласының Полиция департаменті азаматтарға сақ болуды, бейтаныс адамдарға сенбеуді ескертеді.
Астаналық бойжеткен әлеуметтік желідегі танысының шотынан ақша ұрлаған
999
оқылды

Астанада 22 жастағы бойжеткеннің әлеуметтік желідегі танысының шотынан ақша жымқырғаны анықталды, – деп хабарлайды Aikyn.kz

Polisia.kz мәліметінше, полицияға қала тұрғыны жүгініп, оның шотынан ақша ұрланғанын айтып арызданған. Ол әлеуметтік желі арқылы 22 жастағы елордалық қызбен танысқанын айтты. Біраз уақыт онлайн хат алмасудан кейін, ол бикешті жеке кездесуге шақырған. Кафеде басталған отырысты жастар қонақүйде жалғастырған. Таңертен ер адам ұйықтап жатқан кезде, қаскүнем оның шотынан 640 мың теңгені басқа шотқа аударып, бөлмеден қашып кеткен. 

“Есіл” ауданы ПБ криминалдық полиция қызметкерлері жедел-іздестіру іс-шараларын жүргізу кезінде қызды анықтады. Ол кафеде шот төлеу кезінде жігіттің банктік қосымшасындағы құпия кодты көріп алғанын мойындады. 

Аталған факті бойынша қылмыстық іс қозғалды, қыздың елорда аумағында жасалған басқа да осыған ұқсас қылмыстарға қатысы бар-жоғы анықталады. 

Астана қаласының Полиция департаменті азаматтарға сақ болуды, бейтаныс адамдарға сенбеуді ескертеді.

 

Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.