Бүгін түстен кейін Атырауға эвакуацияланған тұрғындар Талдыкөл ауылына қайта көшіріледі.
Атырауда Талдыкөл ауылында су шайған жол уақытша қалпына келтіріліп, ахуал тұрақталды
449
оқылды

Атырауда Талдыкөл ауылында су шайған кірме жол уақытша қалпына келтірілді, ахуал тұрақталды. Бұл туралы Махамбет ауданына қарасты Бейбарыс селолық округінің әкімі Сейілбек Зұлқашев мәлімдеді, – деп хабарлайды Aikyn.kz

Бұған дейін тасқын су кезінде бір шақырымға жуығы бүлінген асфальт жол уақытша қалпына келтіріліп, пайдалануға берілді. 

«Талдыкөл ауылына кірме жолдың су шайып кеткен бір шақырымға жуық бөлігіне бірнеше күннен бері қатты тас қиыршықтарын, қалдықтарын төгу жұмыстары жүргізілді. Су өткізу үшін тұрба салынды. Кірме жол уақытша қалпына келтіріліп, 6 маусым күні кешкілік толықтай ашылды. Қазіргі уақытта жолды тегістеу, нығайту жұмыстары жүруде. Бір бағытта ашылған жолмен жеңіл және ауыр көліктер қатынай алады», – деді Бейбарыс селолық округінің әкімі Сейілбек Зұлқашев. 

Еске сала кетелік, бүгін түстен кейін Атырауға эвакуацияланған тұрғындар Талдыкөл ауылына қайта көшіріледі.


Баян Жанұзақова