Шағын автобустар Маруа Құлұшева атындағы қиын өмір жағдайындағы балаларды қолдау орталығына, Жезқазған қаласы білім бөлімінің №9 мектеп-интернатына, Қаражал қаласы білім бөлімінің №6 жалпы білім беретін мектебіне, Жаңаарқа ауданының Сәкен Сейфуллин атындағы, Ақтау ауылдық, Жанайдар Садуақа-сов атындағы, Ынтымақ мектебіне, Ұлытау ауданы Жезді мектеп-интернатына, Ұлытау ауданы №7 және №4 ЖББ мектебіне берілді.
– Облысымызда 88 мектеп бар болатын болса, оның 18-інде 1 026 оқушы мектепке тасымалданады. Қазіргі қолданыстағы мектеп автобустарын кезең-кезеңмен жаңартуды жоспарлап отырмыз. Былтыр 10 мектеп автобусын сатып алу үшін жергілікті бюджеттен 462 млн теңге бөлінді. Сонымен қатар Ұлытау ауданының мектептеріне 60,5 млн теңгеге 5 автокөлік сатып алынды. Автобустар мектептерге берілді, балалардың игілігі үшін пайдалануда, – деді облыс әкімі Берік Әбдіғалиұлы жиында.
Айта кету керек, өңір балаларына, оның ішінде шалғай ауылдардағы оқушылардың қолайлы жағдайда білім алуына жол ашу мақсатында Ұлытау облысы құ-рылғалы екі жылдың ішінде 26 көлік табыс етілген болатын.
Мұндай игілікті шара алдағы уақытта да жалғасын таба бермек.
Әдебиет БЕЛГІБАЙҰЛЫ,
Ұлытау облысы