Парламент Мәжілісінің төрағасы, «AMANAT» партиясының жетекшісі Ерлан Қошанов қазақстандықтарды қасиетті Құрбан айт мерекесімен құттықтады.
Ерлан Қошанов: Бұл – асыл қасиеттерді дәріптейтін ұлық мереке
246
оқылды

Ерлан Қошанов бұл мейірім мен шапағат, ізгілік пен адамгершілік, қайырымдылық пен жомарттық секілді асыл қасиеттерді дәріптейтін ұлық мереке екенін айтты, – деп хабарлайды Aykyn.kz.

"Ардақты ағайын!

Баршаңызды күллі мұсылман қауымы үшін қастерлі Құрбан айт мейрамымен шын жүректен құттықтаймын!

Бұл – мейірім мен шапағат, ізгілік пен адамгершілік, қайырымдылық пен жомарттық секілді асыл қасиеттерді дәріптейтін ұлық мереке.

Осы күндері жасалатын сауапты істер, адамдардың бір-біріне жанашырлығы мен шынайы көңілі халқымыздың бірлігі мен ынтымағын арттыра түседі.

Асыл дініміз бен ата дәстүріміздің ажырамас бөлігіне айналған осы құндылықтар қоғамның да рухани-адамгершілік негізін нығайтуға қызмет ете беретіні сөзсіз.

Айтулы мейрамға орай шалған құрбандықтарыңыз, тілеген дұға-ниеттеріңіз қабыл болсын!

Айттан айтқа аман-есен жете берейік", – делінген құттықтау хатта.

Сараптама, зерттеу мақала, күнделікті өзекті ақпаратты «Айқынның» Telegram  арнасынан таба аласыз.