Партияның қоғамдық қабылдау бөлмелері өз жұмысын жалғастырып жатыр. Өткен аптада партияның ел аумағындағы қоғамдық қабылдау алаңдарында министрліктер мен әкімдіктер өкілдерінің, Мәжіліс және мәслихаттар депутаттарының, сондай-ақ өзге де азаматтардың қатысуымен бірқатар кездесу өтті.
Қоғамдық қабылдау бөлмелері жүйелі жұмыс істейді
542
оқылды

Азаматтар партияға түрлі мәселе бойынша жүгінуде. Атап айтқанда, өткен аптада су тасқы­нынан зардап шеккен адамдарға өтемақы төлеу және Әкімшілік кодекске өзгерістер енгізу, Үштөбе қаласындағы бау-бақша серіктестіктері мен білім ошағын сақтап қалу, Семейдегі балалар ауру­ханасында болған проблема және дәрілік пре­параттарды таңбалау сияқты бірқатар маңызды мәселе көтерілді.

Сонымен қатар мобильді қоғамдық қабыл­даулар Шығыс Қазақстан облысының Өрел және Аршаты ауылдарында және Батыс Қазақстан облысының Казталов кентінде азаматтарды көш­пелі қабылдау өткізді. Тұрғындар балаларды ем­дейтін тіс дәрігерлерінің, балаларға арналған ойын алаңдарының болмауы, сумен жабдықтау, ұялы телефон байланысы, сондай-ақ ақбөкендердің санын реттеу сынды өзекті мәселелерге назар аударды.

Өткен аптада «AMANAT» партиясының ел аумағындағы қоғамдық қабылдау алаңында 1 112 адам қабылданып, 1 688 өтініш келіп түсті.