"Тату тәтті" жобасының қатысушылары Жәния және Сәбира Нақысбековалар негізі - ене мен келін.
"Туған анам секілді болып кеткен". Күйеуімен ажырасса да, енесімен әлі күнге дейін араласатын келін көпті тәнті етті
Фото: instagram.com/sabirusha
11,769
оқылды

"Тату тәтті" жобасының қатысушылары Жәния және Сәбира Нақысбековалар негізі - ене мен келін. Күйеуімен ажырасып кеткеніне қарамастан, енесімен әлі де жақсы қарым-қатынаста қалған келін Сәбира Нақысбекова "1001 түн" телебағдарламасына берген сұхбатында бұрынғы енесін "туған анасындай" көретінін жасырмады, – деп хабарлайды Aikyn.kz Massaget.kz-ке сілтеме жасап.

Кейіпкердің айтуынша, ол енесімен 13 жыл бір шаңырақ астында тұрған, осы уақыт аралығында енесі "мамасы" секілді болып кетіпті.

"Қазір енеммен бірге тұрмаймыз. Мен күйеуіммен ажырасқаныммен, енеммен ажырасқан жоқпын. Өйткені менің енем туған анам секілді болып кеткен. Мен туған анаммен 20 жылдай бірге тұрдым. Ол кісі маған тәрбие берді. Содан кейін тұрмысқа шығып, енеммен 13 жыл бір шаңырақ астында тұрдық. Мен тұрмыста 16 жыл болдым, осы уақыт аралығында енем "мамам" секілді болып кеткен, сондықтан мен оны анам деп білемін. 

Біздің қарым-қатынасымыздың осылай нығайып, жақсы болғанына бірінші кезекті енемнің ақылы себеп деп ойлаймын. Себебі ол өте ерекше адам, саналы ене", - деді Сәбира Нақысбекова.

Сараптама, зерттеу мақала, күнделікті өзекті ақпаратты «Айқынның»  Telegram арнасынан таба аласыз.