Жауапты қызмет оның себептерін анықтап жатыр.
Тараз қаласының  Қарасу шағынауданында күшті жарылыс болды
683
оқылды

22 маусым күні сағат 21:50–де QazaqGaz Aimaq АҚ Жамбыл өндірістік филиалының жедел-диспетчерлік қызметіне Тараз қаласының Қарасу шағынауданында күшті жарылыс болғаны туралы хабарлама түсті, -  деп жазады Aikyn.kz.

Зардап шеккендер жоқ.

Өңірдегі өндірістік филиал жарылыс орнында газ құбырының өтпей тұрғанын, төтенше оқиға басқа себептермен болғанын және анықталып жатқанын хабарлады.

«Газ қызметінің мамандары оқиға орнын газ анализаторымен тексеріп, ауада газ концентрациясы жоқтығына көз жеткізді.

Қазіргі уақытта оқиға орны қоршауға алынды, барлық қалалық қызметтер оқиға орнында жұмыс істеп жатыр, жарылыс себептері анықталуда. Алдын ала болжам бойынша, жерасты жоғары вольтты электр желісінде қысқа тұйықталу болған», — дейді ведомствоның қоғаммен байланыс департаментінің директоры Мұхит Ықылас.