Ведомство мәліметінше, бұл – алаяқтардың ісі.
Алаяқтар министр Аида Балаеваның атын пайдаланып, елді алдауға көшкен
www.istockphoto.com
567
оқылды

Мәдениет және ақпарат министрлігі хабарлауынша, соңғы кездері министр Аида Балаеваның атынан мәдениет қайраткерлеріне түрлі мәселелер бойынша хабарламалар түсуі жиілеп кеткен.

– Егер де осындай хабарламалар түссе, ол алаяқтардың ісі екенін мәлімдейміз. Аида Балаева мен ҚР Мәдениет және ақпарат министрлігі мұндай хабарламаларды электрондық пошта, әлеуметтік желілер, мессенджерлер және басқа да байланыс арналары арқылы жібермейді, – делінген мәліметте.

Сонымен қатар, министрлік абай болуды, хатты елемеуге, оған жауап бермеуді сұрайды. Тиісінше, алаяқтық фактісі туралы құқық қорғау органдарына хабарлауға кеңес береді.

Сараптама, зерттеу мақала, күнделікті өзекті ақпаратты «Айқынның»  Telegram  арнасынан таба аласыз.