Енді педофилдерге қарсы күрес күшейе түспек.
Химиялық кастрация жасау үшін сараптама енгізіледі
450
оқылды

Қазақстанда педофилдерге химиялық кастрация жасау үшін сексологиялық сараптама енгізіледі. Бұл туралы Әділет министрлігінің ресми өкілі Талғат Уәли айтты, – деп хабарлайды Aikyn.kz сайты.

Оның айтуынша, елімізде сот-сараптамасының "Сот-сексологиялық сараптама" деген жаңа түрі енгізіледі.

"Халықаралық тәжірибені талдай келе соңғы кездері сексуалдық сипаттағы қылмыстар саны артуына байланысты Әділет министрлігі зерттеудің жаңа түрі "Сот-сексологиялық сараптаманы" енгізу бойынша жұмыстарды бастады. Қарапайым тілмен айтқанда, сараптама тексерілушінің жыныстық, психосексуалдық дамуда қандай да бір ауытқулар бар немесе жоғы, ауытқулар байқалса, педофилдерді анықтау, тексерілушіге химиялық кастрация қажет пе, жоқ па деген сұрақтарға жауап береді", – деді Талғат Уәли министрлікте өткен брифингте.

Жобаны іске асыру үшін Астана қаласының Сот сараптамалары ғылыми-практикалық орталығының 3 сот сарапшысы Беларусьте оқыған. Қазір "Сот-сексологиялық сараптама" түрі бойынша әдістеме де әзірленіп жатыр.

Сараптама, зерттеу мақала, күнделікті өзекті ақпаратты «Айқынның»  Telegram  арнасынан таба аласыз.